Fransız nazirlərin smartfonlardan istifadəsi məhdudlaşdırılıb
Fransanın baş naziri Jan-Mark Eyronun katibliyi ölkə nazirlərinə məxfi informasiyanın ötürülməsi zamanı smartfonlardan istifadəni qadağan edib. Cari ilin avqustunda kabinet üzvlərinə verilən göstərişdə qeyd edilir ki, əvvəlki aylarda Fransada və dünyada rabitə sistemlərindən məxfi məlumatların ələ keçirilməsinə yönələn bir sıra elektron hücumlar baş verib.
“Kommersiya şəbəkələrindən alınan smartfonlardan istifadə edərkən məxfi məlumatların ötürülməsinə icazə verilmir. Hətta üstündə tam məxfi yazısı olmayan xidməti əhəmiyyətə malik istənilən informasiya Milli İnformasiya Sistemləri Agentliyi tərəfindən sertifikatlaşdırılan terminallar vasitəsilə ötürülə bilər”, - sənəddə qeyd olunur.
Bundan başqa, nazirlərə xatırladılıb ki, qanunlara əsasən, milli müdafiə sahəsinə aid məxfi şriftli məlumatların ötürülməsinə yalnız bunun üçün nəzərdə tutulan xüsusi aparatlar vasitəsilə icazə verilir.
Bununla yanaşı, kabinet üzvlərinə məsləhət görülüb ki, xaricdə telefon danışıqları və ya elektron şəbəkələrlə məlumatların ötürülməsi müxtəlif beynəlxalq təşkilatların ərazisində, aeroport, hotel, restoran və internet kafelərdə dinlənə və ələ keçirilə bilər, - “Vesti www.vesti.ru” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
