Yeni simsiz adapter qurğusu 10 metrədək məsafədə işləyir
Daha bir İT startap iddia edir ki, elektrikin simsiz ötürülməsi sahəsində irəliləyişə nail olub. Belə ki, "Ossia" şirkəti cihazı 10 metrədək məsafədən enerji ilə doldurmağa "qadir" 2.4 QHs-lik ötürücü aparatın yaradılması haqqında danışıb. Yenilik "TechCrunch Disrupt" konfransında nümayiş olunub.
Şirkətdən bildirilib ki, yaradılmış adapter işıqsız, naqilsiz, elektromaqnit maneəsiz və divarın içindən 10 metr məsafədə təxminən 1 vatt enerji ötürməyə qadirdir. Şirkətin proqnozuna əsasən, məhsulun kommersiya versiyası 2015-ci ildə işıq üzü görəcək.
"ICTnews.az" elektron xəbər xidməti "cybersecurity.ru" saytına istinadən bildirir ki, cihazın özəlliklərindən biri də odur ki, bir ötürücü aparat vasitəsilə eyni anda 3000-dək qurğunu enerji ilə doldurmaq mümkündür.
"Ossia" şirkətinin yaradıcısı Hətəm Zayn deyib ki, adapterlərin hazırkı versiyaları 2,4 QHs tezlikdə işləyir və maksimal 4 vatt gücündə elektrik cərəyanını ötürə bilər.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
