Dünyanın ən qədim qəzeti çap versiyasından imtina edir
Dünyanın ən qədim qəzeti çap versiyasının buraxılışından imtina və internet məkana keçid haqqında qərar qəbul edib. “Lloyd's List” nəşrinin əsası 1734-cü ildə qoyulub. Bu günlərdə bildirilib ki, qəzət fəaliyyətini davam etdirir, lakin bu ilin dekabrında çap versiyasının fəaliyyətini tamamilə dayandıracaq və işinə yalnız rəqəmli variantda davam edəcək.
“ICTnews” elektron xəbər xidməti “cybersecurity.ru” saytına istinadən bildirir ki, qəzet hazırda qlobal dəniz daşımaları bazarları ilə bağlı xəbər və analitik məzmunun tədarükçüsü hesab edilir. Nəşrin menecmenti qəzetin çap versiyasına marağın azalmasını qeyd edib. Bu yaxınlarda keçirilmiş araşdırmanın nəticəsinə əsasən, nəşrin oxucularının yalnız 2%-i çap versiyasından istifadə edir.
"Oxucularımızın böyük əksəriyyəti rəqəmli versiyaya üstünlük verirlər" – nəşrin baş redaktoru Riçard Mid deyib. "Rəqəmli yanaşma yeni imkanlar təklif edir, bundan başqa, onun köməkliyi ilə xəbərləri oxuculara daha sürətli təqdim edən nəşr yaratmaq olar.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
