Məlumat Hesablama Mərkəzi “ISO 27001” standartına uyğunluq üzrə auditi bu il həyata keçirmək niyyətindədir
Azərbaycan Rabitə və İnformasiya Texnologiyaları Nazirliyinin Məlumat Hesablama Mərkəzi (MHM) “ISO 27001” informasiya təhlükəsizliyi beynəlxalq standartı üzrə sertifikat almaq istiqamətində işləri davam etdirir.
MHM-in direktoru Nail Mərdanovun “ICTnews” elektron xəbər xidmətinə verdiyi məlumata əsasən, hazırda mərkəzdə beynəlxalq təhlükəsizlik standartına uyğunluq üzrə daxili audit keçirilir.
“Daxili auditi başa çatdırmaq üçün biz əlavə avadanlıqlar almalıyıq və bundan sonra cari ilin sonuna kimi bu prosesi başa çatdırmağı planlaşdırırıq. Ümumiyyətlə, “ISO 27001” informasiya təhlükəsizliyi beynəlxalq standartı üzrə sertifikasiya prosesi çox mürəkkəb və uzunmüddətli bir layihədir və adətən 1-1,5 il davam edə bilər. Biz gələn ildən sertifikasiya öncəsi keçiriləcək beynəlxalq auditor yoxlamasına başlanacağına ümid edirik”, - deyə o bildirib.
Xatırladaq ki, bu gün MHM-in artıq keyfiyyət menecmentinin idarəetməsi üzrə beynəlxalq sertifikatı var, bu audit isə mərkəzə məlumat təhlükəsizliyi üzrə sertifikat almağa imkan verəcək.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
