“Azərpoçt”un “MasterCard” kartlarının istifadəçiləri üçün lotereyada iştirak imkanı yaradılıb
"Azərpoçt" MMC ilə "McCann Erickson Azerbaijan" MMC arasında bağlanmış müqaviləyə əsasən "Azərpoçt" MMC-nin "MasterCard" kartlarının istifadəçiləri "MasterCard ® ilə alış-veriş edin, övladınız üçün qiymətsiz "mascot" təcrübəsi qazanın və UEFA Çempionlar Liqası oyununu canlı izləyin!" tirajlı stimullaşdırıcı lotereyasında iştirak edə bilərlər.
Qurumdan verilən məlumata görə, lotereya 01-31 oktyabr 2013-cü il tarixləri arasında Azərbaycan Respublikası üzrə istənilən "MasterCard" brendi altında buraxılmış kart sahibləri tərəfindən plastik kart vasitəsilə yerli və beynəlxalq alış-veriş zamanı POS-terminallar və ya internetdən (elektron ticarət) istifadə etməklə ödənişin həyata keçirildiyi bütün satış məntəqələrində keçiriləcək.
"Azərpoçt" MMC-nin "MasterCard" kart sahibləri vasitəsilə POS-terminallar və ya internetdən (elektron ticarət) istifadə etməklə ödənişin həyata keçirildiyi yerli və beynəlxalq alış-veriş məntəqələrində lotereyada iştirak edə bilərlər. Hər hansı nağd və ya kvazinağd əməliyyatlar, o cümlədən ATM-lərdən nağd pulun çıxarılması, qumar oynanılması, hər hansı qeyri-qanuni əməliyyatlar və ya "MasterCard"ın işgüzar nüfuzuna xələl gətirən əməliyyatlar lotereya obyektinə daxil deyil.
Lotereyanın uduş fondu üç (3) ədəd hədiyyə paketini əhatə edir. Hər bir paketə UEFA Çempionlar Liqasının 10 dekabr 2013-ci ildə Türkiyədə keçiriləcək oyununa iki (2) ədəd dəvətnamə (biri qalib, digəri isə qalibi müşayiət edən uşaq üçün), iki (2) nəfərlik bir (1) gecəlik otel qonaqlaması və aeroport-şəhər-aeroport transfer xərcləri daxil olmaqla iki (2) nəfərlik Bakı-İstanbul gediş-gəliş aviabileti daxildir. Hər bir qalib oyunda sıra düzülüşündə iştirak etməsi üçün bir uşaq gətirməlidir, buna görə də qalibi müşayiət edən ikinci şəxs, yaşı 7-9 arası, boyu 110-130 sm arası olan uşaq olmalıdır. Uduşlar pul ilə əvəzlənə bilməz.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
