“BenQ” mobil telefonlar bazarına qayıdır
Tayvanın “BenQ” kompüter texnikası istehsalçısı 2008-ci ilin ikinci yarısında tərk etdiyi mobil telefonlar bazarına qayıtmaq niyyətindədir.
Belə ki, ilin sonunadək şirkət ilkin və orta səviyyəli məhsullar kateqoriyasına aid iki “BenQ A3” və “BenQ F3” smartfon modelini Tayvan bazarında satışa çıxaracaq. Qurğuların xarici ölkələrin bazarlarında satışa çıxarılması barədə məlumat verilmir.
“BenQ A3” dördnüvəli “Qualcomm” prosessoru, 960 х 540 piksel təsvir ölçülü (qHD) 4,5 düymlü sensor displey və 8 meqapikselli kamera ilə təchiz ediləcək. “BenQ F3” dördnüvəli 1,2 giqahers takt tezlikli “MediaTek MT6589” prosessor, 4,5 düym diaqonallı qHD-ekran və 12 meqapikselli quraşdırılmış rəqəmli kameraya malik olacaq.
Mobil qurğuların istehsalına “Qisda” şirkətinin fabriklərində başlanılacaq. “BenQ” şirkəti mobil telefonlar bazarına təkrar qayıtması nəticəsində məhsullar çeşidini genişləndirə biləcək. Şirkət diqqətini hələlik monitor, televizor və proyektorların satışına yönəldib, -“DailyComm www.dailycomm.ru” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
