Rabitə və İnformasiya Texnologiyaları Nazirliyi vətəndaşlara elektron müraciətlərin icrasının yoxlanılmasına imkan yaradıb
Rabitə və İnformasiya Texnologiyaları Nazirliyi (RİTN) “Elektron hökumət” (www.e-gov.az) portalı vasitəsilə vətəndaşlara elektron müraciətlərin icra vəziyyətinin yoxlanılmasına imkan yaradıb.
Belə ki, RİTN-in portal vasitəsilə vətəndaşlara təqdim etdiyi e-xidmətləri arasında “Elektron sifarişlərin icra olunması barədə məlumat” adlı xidmət yer alır. Xidmət vasitəsilə vətəndaşın PİN koduna uyğun e-ərizələrin icra olunması barədə məlumat almaq mümkündür.
Bunun üçün “Elektron hökumət” portalına daxil olub, Rabitə və İnformasiya Texnologiyaları Nazirliyi tərəfindən təqdim olunan e-xidmətlər siyahısından “Elektron sifarişlərin icra olunması barədə məlumat” xidmətinin adı seçilməlidir.
Açılan formanın içərisində vətəndaş tərəfindən tərtib olunmuş və elektron müraciətlər şəklində tərtib olunmuş sorğular haqqında məlumatlar cədvəl şəklində əks olunacaq. Burada abonentin adı, ünvanı, poçt kodu, aparılmış əməliyyat növü, tarix, əlaqə telefonu nömrəsi, ümumilikdə icra olunan e-xidmət haqqındakı digər məlumatlar yerləşdirilib. Vətəndaş istənilən vaxt həmin cədvəli PDF formatında çap edə və ya elektron poçt ünvanına göndərə bilər.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
