Telefonlar modullardan yığılacaq?!
“Motorola” şirkəti modulyar smartfonların yaradılması üzrə layihə təqdim edib. Bu haqda “Motorola”nın rəsmi bloqunda yazılıb. Layihə “Project Ara” adlanır.
“ICTnews” elektron xəbər xidməti “lenta.ru” saytına istinadən bildirir ki, şirkət açıq aparat platforması yaratmağı və qurğular üçün modullar istehsal edəcək kənar istehsalçıları da cəlb etməyi qarşısına məqsəd qoyub. “Motorola” qışda istehsalçılar üçün dərslik buraxacaq.
Modul prosessor, ekran, klaviatura, batareya və ya əlavə qurğulardan ibarət ola bilər.
Smartfonun "endoskelet"i (daxili əsası) modulları bir yerdə saxlayacaq.
Köhnə modul sıradan çıxdıqda və ya dövrlə ayaqlaşmadıqda istifadəçi onu başqa modulla əvəz edə bilər. Bundan başqa, telefonunun funksionallığını genişləndirmək üçün əlavə modullar daxil etmək olar.
Xatırladaq ki, “Motorola Mobility” “Google” şirkətinə məxsusdur.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
