“Bakutel-2013”-də jurnalistlər üçün yenilik: müsahibələr üçün görüşü öncədən təyin edə bilərsiniz
Azərbaycan Respublikası Rabitə və İnformasiya Texnologiyaları Nazirliyi, Beynəlxalq Telekommunikasiya İttifaqı, Birləşmiş Millətlər Təşkilatı, Rabitə sahəsində Regional Əməkdaşlıq Təşkilatı, Azərbaycan Respublikası Sahibkarlar (İşəgötürənlər) Təşkilatları Milli Konfederasiyası, Azərbaycanda İxracatın və İnvestisiyaların Təşviqi Fondunun rəsmi dəstək verdiyi “Bakutel-2013” sərgi-konfransında mətbuat üçün yenilik nəzərdə tutulub. Belə ki, sərginin Təşkilat Komitəsi istifadəçilərə yeni xidmət növünü - müsahibə almaq məqsədi ilə sərgi iştirakçıları ilə görüşlərin təyin edilməsi üzrə onlayn sistemini təqdim edir:
“Sizi bizim sistemdən istifadə etməklə sərgi iştirakçıları ilə görüşlərin keçirilməsi barədə əvvəlcədən razılaşmağa dəvət edirik. İşgüzar görüşlərin təyin edilməsi üzrə sistem sizə sərginin başlanmasından əvvəl sərgi iştirakçılarının siyahısı ilə tanış olmaq, maraqlı olan şirkəti müəyyən etmək və onunla sərgidə görüş təyin etmək, ondan müsahibə və ya sərgidəki stend haqqında məlumat almaq və bununla da sərgidəki iş vaxtınızı öncədən planlaşdırmaq imkanını təmin edir”. Görüşü təyin etmək üçün isə sərginin rəsmi saytında “Müsahibələrin təyini” bölməsində verilmiş formanı diqqətlə dolduraraq qeydiyyatdan keçmək lazımdır.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
