“Microsoft” internetdə parollarla mübarizə üzrə təşkilata üzv olub
“Microsoft” korporasiyası vəzifəsi internet istifadəçilərinə login və parolsuz identifikasiyanı yerinə yetirməyə imkan verəcək standartların hazırlanmasından ibarət olan “FIDO Alliance” konsorsiumuna daxil olub.
“Microsoft”un proqram təminatı yüz milyonlarla qurğuda quraşdırılıb. Korporasiya korporativ həllər bazarında, fərdi kompüter və noutbuklar seqmentində lider mövqeyə malikdir. Bundan başqa, üçüncü ən populyar əməliyyat sistemi korporasiyaya məxsusdur”, - "FIDO Alliance”ın bəyanatında deyilir.
“Microsoft” məhsul sahibləri müxtəlif növ identifikasiya üsullarından yararlanmaq, eləcə də login və paroldan asılı olmamaq imkanı əldə edəcəklər”, - bəyanatda qeyd olunur.
“FIDO Alliance” 2013-cü ilin fevralında təsis edilib. “FIDO” (Fast IDentity Online) abreviaturası “internetdə sürətli identifikasiya” deməkdir.
Konsorsiumun ilk yaradıcıları sırasında “Agnitio”, “Infineon Technologies”, “Lenovo”, “Nok Nok Labs”, “PayPal”və“Validity” şirkətləri yer alsa da, sonradan onların sayı “BlackBerry”, “Google”, “Master Card”, “NXP Semiconductors”, “LG Electronics” və s. şirkətlərlə genişlənib. Alyansa ümumilikdə 44 şirkət daxildir.
Alyans yaradıcıları səsin, barmaq izinin və ya üzün tanınması texnologiyasının xeyrinə login və parolun köməyi ilə identifikasiyadan imtina etməyi təklif ediblər.
Təşəbbüs müəllifləri bildirirlər ki, mövcud identifikasiya üsulu artıq köhnəlib və lazımi səviyyədə mühafizəni təmin etmək iqtidarında deyil, - "CNews www.cnews.ru” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
