Bakının 2 mənzil istismar sahəsində elektron arayışların verilməsinə başlanılıb
İKT ilində Binəqədi Rayon İcra Hakimiyyəti elektron xidmətlərin tətbiqinə başlayıb.
İcra hakimiyyətindən verilən məlumata görə, Binəqədi rayonunun Rəsulzadə qəsəbəsi, 8-ci mikrorayon (102 nömrəli MİS-in xidməti ərazisi) və 9-cu mikrorayon (92 nömrəli MİS-in xidməti ərazisi) ərazilərində yaşayan sakinlərə arayışlar elektron qaydada veriləcək.
İlkin olaraq vətəndaşlara yaşayış yeri (o cümlədən, ailə tərkibi haqqında) və 2 nömrəli forma üzrə arayışların verilməsi nəzərdə tutulub.
Bu xidmətdən yararlanmaq istəyən vətəndaş Binəqədi Rayon İcra Hakimiyyətinin rəsmi veb səhifəsinin (binegedi-ih.gov.az) elektron xidmətlər bölümünə daxil olmaqla, elektron arayışları seçərək, adı, soyadı, atasının adı və doğum tarixini daxil edir və müraciətini göndərir. Vətəndaşın daxil etdiyi məlumatlar ev təsərrüfatlarının uçotu kitablarının elektron baza məlumatları ilə uyğunluq təşkil etdikdə, vətəndaş e-arayışı onlayn alaraq onu çap edir. Hər hansı səbəbdən onlayn arayışı almaq mümkün olmadıqda, vətəndaş qeydiyyatda olduğu inzibati ərazi dairəsi üzrə nümayəndəliyə müraciət edə bilər.
Məlumat üçün bildirək ki, həftənin iş günləri ərzində saat 09.00-dan 13.00-dək edilmiş müraciətlər üzrə arayışlar həmin gün saat 18.00-dək alınır. Saat 13.00-dan sonra edilmiş müraciətlər növbəti iş günü saat 13.00-dək alına bilər. 2 nömrəli forma üzrə arayışlar isə müraciət göndərildiyi tarixdən iki iş günü müddətində alınır.
Qeyd edək ki, gələcəkdə elektron xidmətlərin həmçinin, “Asan xidmət” mərkəzləri vasitəsilə də göstərilməsi nəzərdə tutulub.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
