Azərbaycanlı startapçılar “Startup Turkey-2014”-də investorlarla danışıqlarda müsbət nəticələr əldə ediblər
Azərbaycanlı startapçılar "Startup Turkey-2014"-də investorlarla keçirilən danışıqlarda müsbət nəticələr əldə ediblər.
Bu barədə Yüksək Texnologiyalar Parkı MMC-nin Dövlət qurumları və İctimaiyyətlə əlaqələr şöbəsindən məlumat verilib. Mənbədən qeyd edilib ki, Türkiyənin vacib texno-investisiya tədbirlərindən biri olan "Startup Turkey" 20-22 fevral tarixlərində Antalya şəhərində keçirilib. Bu tədbirə verdiyi dəstəyə görə Yüksək Texnologiyalar Parkı - "YT Park" Azərbaycan ("YT Park"ın) loqosunun "Startup Turkey"-in rəsmi saytında yerləşdirilməklə, tədbirin vacib tərəfdaşlarından biri olmaq statusunu əldə edib.
"Startup Turkey" tədbirində "YT Park"-ı qurumun iki əməkdaşı təmsil edib. 3 gün davam edən bu tədbirdə 75-dən çox startapla 150-dən çox investorla bir araya gələrək, fikir mübadiləsi aparılıb, investisiya imkanları bərabər dəyərləndirilib.
Qeyd edək ki, "YT Park"ın dəstəyi ilə tədbirə qoşulan startapçıların iştirakı MMC və "Startup Turkey"-in bərabər seçimi nəticəsində müəyyən edilib. Bu imkandan yararlanan azərbaycanlı startapçılar YTP əməkdaşları ilə bərabər tədbirdə iştirak edən investorlarla mövcud imkanları müzakirə etmiş, perspektivlər üzərində danışıqlar aparmış və müsbət nəticələr əldə ediblər.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
