Üç atomdan ibarət yeni “LED” yaradılıb
Vaşinqton Universitetinin tədqiqatçılar qrupu bir tərəfi elastik, digər tərəfi universal olan dünyanın ən nazik “LED” diodunu yaradıb.
Alimlərin sözlərinə görə, faktiki olaraq burada söhbət elektronlar əvəzinə, fotonlarla işləyən prosessor çipinin yeni sinif qurğularının yaradılmasından gedir. “Yaradılmış qurğu insan saçından 10 min dəfə nazik olsa da, müasir avadanlıqlarda istifadə üçün yararlı olan işığı şüalandırır”, - “LED” tərtibatçılarından biri Ceyson Ross qeyd edib.
“Bu, texnologiyanın miniatürləşdirilməsi istiqamətində atılan böyük addımdır. Tərəfimizdən yaradılan “LED” cəmi üç atomdan ibarət olmaqla yarımkeçiricidir və ondan adi üçölçülü yarımkeçirici kimi istifadə mümkündür”, - o vurğulayıb.
Yuxarıda qeyd edildiyi kimi, yeni işıq diodu cəmi üç atomdan ibarətdir ki, bu da onu texniki baxımdan “2D”-dən daha çox “3D” formatlı obyekt edir. Yaradılan üçatomlu “LED” texniki xüsusiyyətlərinə görə silisium-oksid bazasında volfram diselenid yarımkeçiricidir. O, qrafen istehsalı texnologiyasının analogiyası əsasında istehsal edilir. “Nature Nanotechnology” elm jurnalının son nömrəsində kəşf haqqında ətraflı məlumat verilib.
Məqalədə deyilir ki, “LED”-in ölçüsü optik çiplərdə elektrik siqnallar əvəzinə istifadə üçün kiçikdir, - “Cybersecurity www.cybersecurity.ru” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
