“Dilmanc” elmi tədqiqatçıları işə qəbul edir
"Dilmanc" layihəsinə yeni nəsil intellektual texnologiyaların yaradılması üçün riyaziyyat sahəsində elmi tədqiqatçılar tələb olunur.
Bu texnologiyalara kompüter tərəfindən insan nitqinin başa düşülərək ona cavab verilməsi, şifahi nitqin başqa dilə avtomatik tərcüməsi, böyük həcmli verilənlərin (Big Data) emalı və digər sistemlər daxildir. Layihə çərçivəsində elmi tədqiqatçılar bu texnologiyaların riyazi nəzəriyyəsini araşdırır və onların yaradılmasında proqramçılarla birgə iştirak edirlər.
"Dilmanc" layihəsində elmi potensialı realizasiya etmək, nəzəriyyədən praktik məhsula keçmək üçün həm güclü proqramçı qrupu, həm də paylanmış hesablama sistemi, "MapReduce" sxemi ilə işləyən proqram təminatı və digər infrastruktur mövcuddur. İstifadəçilərdən alınan daimi əks-əlaqə tədqiqatçıların tədqiqat aparmaq stimulunu artırmaqla yanaşı, həm də hansı sahələrə daha çox fikir verməli olduqlarını bildirir.
Qeyd edək ki, sözügedən vakansiya haqqında ətraflı məlumatı "http://www.dilmanc.az/az/jobs/researcher" linki vasitəsilə əldə etmək olar.
CAHANGİR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
