“Azərkosmos” Yaxın Şərq və Afrika bazarlarında müştəri bazası yaradır
ASC “Azərkosmos” bu ilin birinci yarısında Yerin məsafədən müşahidəsi üçün nəzərdə tutulmuş aşağıorbitli peykin istehsalçısı ilə müqavilə imzalamaq niyyətindədir.
“ICTnews” xəbər xidməti “Azərkosmos”un rəhbəri Rəşad Nəbiyevin “www.thebusinessyear.com” beynəlxalq nəşrinə verdiyi müsahibəyə istinadən məlumat verir ki, artıq aşağıorbitli peykin istehsalı ilə bağlı tender elan edilib və yaxın zamanda tenderin qalibi ilə müqavilənin imzalanması gözlənilir.
“Biz bu il Yaxın Şərq, Orta Asiya, Türkiyə və MDB ölkələrinin bazarlarında öz iştirakımızı artırmaq niyyətindəyik. Bu ilin ortalarına kimi biz növbəti peykimizin ən münasib mövqeyini müəyyən edəcəyik. Bundan başqa, bizim bir sıra digər layihələrimiz var, hansı ki, “Azərkosmos”un fəaliyyətinin genişlənməsini göstərəcək”,- müsahibədə qeyd edilib.
R. Nəbiyevin müsahibəsinə əsasən, “Azərkosmos”un əsas məqsədi ikidilli əhaliyə malik olan ölkələrin bazarlarını əhatə etməkdir. Hazırda Orta Asiyada rus və türk televiziya kanalları təqdim edilir, Yaxın Şərqdə ərəb və ingilisdilli televiziya kanallarının yayımının təşkili üzərində işlər aparılır. Növbəti üç il ərzində “Azərkosmos” bu istiqamətdə vacib addımlar atacaq, əsasən də bu, Afrika bazarında müştəri bazasının yaradılması ilə bağlı olacaq.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
