Azərbaycan "Biznes-biznes sövdələşmələrində İKT-dən istifadə" üzrə 46-cı yerdə qərarlaşıb
Azərbaycan "Biznes-biznes sövdələşmələrində İKT-dən istifadə" üzrə 46-cı, həmçinin "Biznes-müştəri sövdələşmələrində İKT-dən istifadə" komponentləri üzrə 50-ci yeri tutub. Dünya İqtisadi Forumunun (DİF) "Dünya ticarətinə cəlb edilmə-2014" hesabatına görə, ölkəmiz dünya ticarətinə cəlb edilmə qlobal reytinqində 4 pillə irəliləyərək 77-ci yerdə qərarlaşıb.
Qeyd edək ki, sözügedən hesabat 138 dövləti əhatə edib. Məruzə ETI ticarətinə cəlbedilmə indeksinə əsaslanır və 4 göstəricini - "Daxili bazara çıxış", "Sərhəddə inzibati idarəetmə", "İşgüzar mühit" və "Nəqliyyat və kommunal infrastruktur"u nəzərə alır.
Bu sənədə görə, Azərbaycan 2014-cü ildə daxili bazara çıxış göstəricisi üzrə 66-cı, sərhəddə inzibati idarəetmə üzrə 94-cü olub. Ölkəmiz işgüzar mühit göstəricisi üzrə 58-ci, infrastruktur səviyyəsi üzrə isə 45-ci yerdə qərarlaşıb.
Məruzədə, həmçinin ölkəmizin ticarətin sadələşdirilməsi üzrə həyata keçirdiyi tədbirlər və digər sahələrdə əldə etdiyi uğurlar qeyd olunur. Belə ki, Azərbaycan "Gömrük şəffaflığı indeksi" göstəricisi üzrə 39-cu, "Dövlət tənzimləmə normalarına uyğunluğun sadəliyi" üzrə 19-cu olub.
Qeyd edək ki, hesabata görə, Sinqapur cəlb etməyə görə birinci yerdədir. İkinci və üçüncü yerləri, müvafiq olaraq, Honq Konq və Niderland tutur. ABŞ isə 15-ci yerdə qərarlaşıb. Keçmiş SSRİ məkanından isə Ukrayna 83-cü, Moldova 92-ci, Qazaxıstan 94-cü, Rusiya 105-ci, Qırğızıstan isə 109-cu yerdə mövqe tutublar.
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
