5000 dollar məbləğində planşet nümayiş etdirilib
“Xplore Technologies” şirkətinin nümayiş etdirdiyi “Xplore XC6” planşeti yüksək təhlükəsizlik dərəcəsinə malikdir. İstehsalçı əmin edir ki, qurğu 120 sm hündürlükdən beton üzərinə düşdükdə sınmır, bir metr dərinlikli suyun altında 30 dəqiqə qala bilir, toz və çirkə qarşı davamlıdır və -37-dən müsbət 60 dərəcə selsiyədək temperaturda işləyir. Planşetin qalınlığı 40,7 mm, çəkisi 2,4 kq-dır.
“ICTnews” elektron xəbər xidməti “pitbit.ru” saytına istinadən bildirir ki, “Xplore XC6” planşeti 1024x768 piksel təsvir ölçülü 10,4 düymlük ekran, 2,9 QHs takt tezlikli ikinüvəli “Intel Core i5-4300U” prosessoru, 4-16 QB həcmli əməli yaddaş və 128/256 QB həcmində SSD daşıyıcı ilə təchiz edilib. Həmçinin 5 meqapiksellik əsas kamera və HD təsvir ölçülü ön kamera, avtonom iş vaxtı 8.5 saata malik naməlum tutumda akkumulyator, GPS ötürücüyə malik simsiz rabitə modulları dəsti mövcuddur.
Minimal konfiqurasiyalı “Xplore XC6” planşetinin qiyməti 5299 dollardan başlayır.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
