Qiymətlərin aşağı salınması ilə bağlı mobil operatorlar arasında aparılan danışıqlar artıq başa çatmaq üzrədir
Tariflərin aşağı salınması ilə bağlı mobil operatorlarla müzakirələr aparılıb. Bunu jurnalistlərə açıqlamasında rabitə və yüksək texnologiyalar naziri Əli Abbasov bildirib. Nazir qeyd edib ki, mobil operatorlar Rabitə və Yüksək Texnologiyalar Nazirliyində keçirilmiş kollegiyanın qərarları ilə tanış olublar:
“Mən artıq gələcəyə optimist baxıram. Onlar operatorlararası vahid, ucuzlaşdırılmış qiymət üzərində danışıqları bitirirlər”.
Danışıqlar başa çatdıqdan sonra operatorlar tərəfindən danışıq tariflərinin müəyyən qədər aşağı salınacağının istisna edilmədiyini vurğulayan nazir qeyd edib ki, hazırkı tariflər bazar qiymətləridir və onlara çox təzyiq də etmək olmaz:
“Qiymətlərin həddən artıq aşağı düşməsi də inkişafa müəyyən qədər təsir göstərir. Amma hər halda qiymətləri aşağı salmaq üçün koridor var”.
Regional təşəbbüslərdən də söz açan nazir qeyd edib ki, BMT Baş Assambleyasının 67-ci sessiyasında Azərbaycan tərəfindən irəli sürülən təklif dəstəklənərək, “Avrasiya Rabitə Alyansı” (“Eurasian Connectivity Alliance”- EuraCA) yaradılıb. Artıq alyansın fəaliyyətə başlayacağını vurğulayan nazirin sözlərinə görə, buraya daxil olan layihələrdən biri də “TASİM –Trans-Avrasiya Super İnformasiya Magistralı”dır: “Bu istiqamətdə artıq hazırlıq işləri aparılır. Demək olar ki, bir neçə operator tərəfindən böyük biznes layihəsi hazırlanır və bu həyata keçiriləcək. Azərbaycanın koordinator olduğu bu alyansda “TASİM” layihəsi kimi layihələrin sayı daha da çox olacaq”.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
