“Startap Azərbaycan” yarımfinalçıları ekspertlər qarşısında təqdimatlar ediblər
“Startap Azərbaycan” Təşkilat Komitəsi bildirir ki, yarımfinala çıxan startaplar ekspertlərə öz layihələrini təqdim ediblər.
“Startap Azərbaycan” Təşkilat Komitəsindən “ICTnews” xəbər xidmətinə verilən məlumata əsasən, yarımfinala çıxan 15 layihədən 14-ü “Startap Azərbaycan” ekspertləri tərəfindən 2-ci səsvermə mərhələsində dəyərləndirilib.
Qiymətləndirmə mərhələsində 8 ekspert iştirak edib. Hər bir startap komandası 10 dəqiqə vaxt ərzində öz layihələrinin əsas ideyaları və biznes-planları ilə bağlı ekspertləri məlumatlandırıblar. Ekspertlər layihələri 5 istiqamət (layihənin komandası, layihənin davamlılığı, layihənin ideyası və cəlbediciliyi, layihənin gəlirliliyi, layihənin əhatə dairəsi) üzrə 10 ballıq sistemlə qiymətləndiriblər.
Ekspertlərin yekun qiymətləndirilməsi əsasında finalçılar müəyyən olunacaq. Finalçılar iyulun 3-də keçirilməsi nəzərdə tutulan yekun təqdimat mərasimində élan olunacaq. Finalçılara diplomlar və müxtəlif qiymətli hədiyyələr təqdim ediləcək.
Ənənəvi “Startap Azərbaycan” Milli Konfransının və finala çıxan startaplarla investorların qapalı görüşünün də (pitç sessiya) iyulun 3-də keçirilməsi nəzərdə tutulub. “Startap Azərbaycan” Azərbaycan İnternet Forumunun təşkilatçılığı ilə keçirilir.
“Startap Azərbaycan” layihəsinə Rabitə və Yüksək Texnologiyalar Nazirliyi tabeliyində İnformasiya Texnologiyalarının İnkişafı Dövlət Fondu dəstək verir. “Startap Azərbaycan”ın Akademik tərəfdaşı ADA Universitetidir. Yüksək Texnologiyalar Parkı, “İnfiPro”, “SİNAM” və “Bakcell” şirkətləri “Startap Azərbaycan”a dəstək verirlər.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
