Goranboyun bütün yaşayış məntəqələri telefonlaşdırılıb
Goranboyda informasiya və kommunikasiya texnologiyalarının daha da inkişaf etdirilməsi istiqamətində yeni tədbirlər həyata keçirilir. Goranboy TKQ-nin rəisi Hafiz Muxtarov bildirib ki, hazırda Goranboy TKQ 35 EATS, 2 mini və 2 peyk ATS-ləri vasitəsilə rayonun 83 yaşayış məntəqəsində 15060 abunəçiyə telefon rabitəsi xidməti göstərir.
Rayonun bütün yaşayış məntəqələri telefonlaşdırılıb. Bu ilin 6 ayında 325 mənzilə yeni telefon çəkilib. Rayon əhalisinin hər yüz nəfərinə 15, hər iki ailəyə 1 ədəd telefon düşür. Altı ayda 1 telefona düşən gəlir 42 manat olub.
H.Muxtarov deyib ki, ölkəmizdə internetin keyfiyyətinin yüksəlməsi, qiymətinin endirilməsi, eləcə də ölkəmizin bütün ərazisində sərbəst şəkildə internetə qoşulmanın təmin olunması İKT-nin daha da inkişafına rəvac verib, üstəlik, ölkədə internet azadlığının mövcudluğu və əhalinin bundan hər hansı bir maneəsiz formada istifadə etmək imkanının olması bu sahəyə marağı daha da artırıb. Onun sözlərinə görə, 2011-ci ildən qovşaqda genişzolaqlı internet xidmətindən istifadə edilməyə başlanılmış, hazırda bu iş sürətlə davam etməkdədir. Təkcə Todan EATS-i istisna olmaqla qovşağın 34 EATS-də genişzolaqlı internet avadanlıqları qurularaq 3500 nəfər abunəçi bu xidmətdən istifadə edir.
Yaxın vaxtlarda Todan EATS-də bu avadanlığın qurulması təmin ediləcəkdir.
Rayonun ərazisində internetin sürətinin daha da artırılması məqsədilə Todan kəndi istisna olmaqla bütün kəndlərində optik kabellər çəkilişi aparılıb, istismara verilib.
İnternetin genişləndirilməsinin ən vacib şərti odur ki, hər bir yaşayış məntəqəsində EATS-lərin montaj tutumu genişləndirilsin və yeni telefonlar çəkilsin.
Ona görə də bu ilin fevral ayında Nərimanlı kəndində 208 nömrəlik yeni EATS istifadəyə verilib. Nəzərdə tutulmuşdur ki, bu ilin sonuna kimi Veyisli kəndi yaxınlığında qaçqın və məcburi köçkünlərin şəhərciyində 512 nömrəlik yeni EATS istifadəyə verilsin.
Rayon ərazisində 11 ədəd internet klubları da fəaliyyət göstərir ki, həmin klublarda gənclər öz biliklərini artırırlar.
Qovşaqda yüksək texnologiyaların inkişafı istiqamətində işlər bundan sonra da davam etdiriləcək, vətəndaşların hər bir tələb və təkliflərinə qayğı ilə yanaşılacaq, hər bir abunəçi keyfiyyətli rabitə ilə təmin olunacaq.
RƏVAN
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
