“Dövlət informasiya sistemləri və informasiya ehtiyatları haqqında” qanun layihəsi hökümətə təqdim olundu
Rabitə və Yüksək Texnologiyalar Nazirliyi (RYTN) Vətəndaşlara Xidmət və Sosial İnnovasiyalar üzrə Dövlət Agentliyi (VXSİDA) ilə birlikdə “Dövlət informasiya sistemləri və informasiya ehtiyatları haqqında” qanun layihəsi hazırlayıb.
Bu barədə “ICTnews” elektron xəbər xidmətinə adıçəkilən nazirliyin İnformasiya cəmiyyətinin inkişafı şöbəsindən məlumat verilib.
Şöbədən bildirilib ki, “Elektron hökumət” portalı haqqında Əsasnamə”nin təsdiq edilməsi və elektron xidmətlərin genişləndirilməsi ilə bağlı tədbirlər barədə” Azərbaycan Respublikası Prezidentinin 2013-cü il 5 fevral tarixli 813 nömrəli Fərmanının 2.2-ci bəndindən irəli gələn məsələlərin həlli ilə bağlı hazırlanan qanun layihəsi aidiyyəti dövlət orqanları ilə razılaşdırılaraq baxılması üçün hökumətə təqdim olunub.
“Dövlət informasiya sistemləri və informasiya ehtiyatları haqqında” qanun layihəsində dövlət informasiya sistemlərinin və ehtiyatlarının formalaşdırılması, idarə edilməsi, təhlükəsizliyinin təmin olunmasının əsas meyarları, inteqrasiyası və ləğvi, həmçinin dövlət informasiya sistemlərinin və ehtiyatlarının subyektlərinin hüquq və vəzifələrinin əsasları müəyyən edilib, onlar arasında qarşılıqlı əlaqə zamanı yaranan münasibətlərin tənzimlənməsi ilə bağlı məsələlər nəzərə alınıb.
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
