“Huawei” şirkəti “Ascend Mate 7” smartfonunu təqdim edib
Çinin “Huawei Technologies” şirkəti Berlində start götürmüş “IFA2014” sərgisində metal korpus və “Full HD” təsvir ölçülü böyük 6 düymlük ekranla təchiz edilmiş “Ascend Mate 7” qabaqcıl smartfonunu nümayiş etdirib. Şirkətdən bildirilib ki, “Mate 7” smartfonunda akkumulyatorun tutumu “Galaxy Note 4” ilə müqayisədə 30% daha çoxdur.
“ICTnews" elektron xəbər xidməti “cybersecurity.ru” saytına istinadən bildirir ki, “Huawei”nin nümayəndələri bildiriblər ki, 5.5 düymdən böyük ekranlı smartfonlara istehlak marağı artır. “IDC” şirkətindən bildirilib ki, cari ildə böyük smartfonların tədarükü ötən illə müqayisədə 209% artacaq. Müqayisə üçün müvafiq dövrdə smartfonların ümumi tədarükü 12,8% artacaq.
Məhz “Samsung” şirkəti böyük ekranlı qurğuların populyarlaşmasına kömək edib, ancaq hazırda demək olar ki, bütün əsas istehsalçılar fablet (böyük ekranlı smartfonlar) buraxır. “Mate 7” smartfonu da fabletlərin bir nümayəndəsidir.
“Note4”-də olduğu kimi “Mate 7” qurğunun arxa tərəfində barmaq izi skaneri, “LTE-Advanced” və 13 meqapiksellik kamera ilə təchiz edilib. Akkumulyatorun tutumu 4100 milliamper/saat təşkil edir.
Smartfonun 16 QB-lıq versiyası 2 QB əməli yaddaşa malikdir və qiyməti 499 avrodur, 32 QB-lıq versiya 3 QB yaddaşa malikdir və qiyməti 599 avrodur.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
