Dünya Bankı: “TASİM layihəsinin reallaşdırılması Azərbaycanın regional əməkdaşlıqda rolunu artıracaq”
Dünya Bankı Azərbaycanın təşəbbüsü ilə irəli sürülən TASİM layihəsinin gələcəkdə ölkənin regional əməkdaşlıqda rolunun artırılmasına səbəb olacağını hesab edir.
Dünya Bankının Azərbaycan üzrə meneceri Larisa Leşçenkonun "ICTnews" xəbər xidmətinə verdiyi məlumata əsasən, hazırda bu layihənin icrası ilə bağlı bir neçə variant Dünya Bankı ilə Azərbaycan hökuməti arasında müzakirə mövzusudur.
"Biz bu layihənin gələcək effektivliyi ilə bağlı proqnozlar verməyə hazır deyilik. Lakin birmənalı olaraq deyə bilərəm ki, TASİM-in reallaşdırılması gələcəkdə Azərbaycanın regional əməkdaşlıqda rolunu artıracaq, ölkəni beynəlxalq rabitə və məlumat ötürmə bazarında qlobal səviyyəyə çıxardacaq. Azərbaycan "İpək yolu"nun bir hissəsinə çevriləcək. Artıq "İpək yolu" informasiya axını yoluna çevriləcək. Azərbaycanın bu layihənin reallaşdırılmasında aktiv mövqe tutması çox təqdirəlayiqdir",- deyə o bildirib.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
