Dünyanın ən nazik smartfonu “Ginnesin Rekordlar Kitabı”na salınıb
Çinin "Gionee" şirkəti dünyanın ən nazik smartfonunun istehsalçısı elan edilib. Şirkətin "Gionee Elife S5.1" modeli "Ginnesin Rekordlar Kitabı"na salınıb. Bu qurğuda korpusun qalınlığı 5,1 mm təşkil edir.
"ICTnews" elektron xəbər xidməti "dailycomm.ru" saytına istinadən bildirir ki, "Gionee Elife S5.1" orta səviyyəli smartfon tipinə məxsusdur. Qurğu 1280 x 720 piksel təsvir ölçülü 4,8 düymlük AMOLED ekran, dördnüvəli "Qualcomm Snapdragon 400" prosessoru, 1 QB əməli və 16 QB daxili yaddaş, 5 meqapiksellik ön və 8 meqapiksellik əsas kameralarla təchiz edilib.
Akkumulyator batareyasının tutumu 2100 milliamper/saat təşkil edir. Aparata "Amigo 2.0" istifadəçi interfeysinə malik "Android 4.3" əməliyyat sistemi quraşdırılıb.
Rekorda imza atmış smartfon Çində təxminən 325 dollara satılır. Qara, ağ, çəhrayı və nanəli yaşıl rəngli korpuslara malik smartfonlar əlçatandır.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
