Adsız planşetlər dünya bazarında “Apple” şirkətini sıxışdırır
Cari ilin üçüncü rübündə adsız (white box) planşetlərin tədarükü ötən ilin müvafiq dövrü ilə müqayisədə 19% artaraq 16,5 milyon təşkil edib.
Beləliklə, adsız planşetlər dünya bazarında 30%-ə sahiblənərək “Apple” və “Samsung” şirkətlərini ötüb. “Strategy Analytics” analitik şirkətinin tədqiqat məlumatları buna sübutdur.
"ICTnews" elektron xəbər xidməti “lenta.ru” saytına istinadən bildirir ki, müvafiq dövrdə “Apple” planşetlərinin tədarükü 13% azalaraq 12,3 milyon təşkil edib. Beləliklə, ABŞ şirkətinin dünya bazarında payı 22,3% olub. “Samsung” planşetlərinin tədarükü 8% azalaraq 9,7 milyon təşkil edib və şirkətin dünya bazarında payı 17,6% olub. Sonrakı pillələrdə “Acer” və “Lenovo” şirkətləri qərarlaşıblar.
Ümumilikdə 2014-cü ilin üçüncü rübündə planşetlərin tədarükü ötən ilin müvafiq dövrü ilə müqayisədə 6% artaraq 52 milyon olub.
Mobil əməliyyat sistemlərinə gəlincə, “Android” 72% (39,8 milyon qurğu) göstərici ilə əvvəlki kimi qlobal planşet bazarında lider mövqe tutur.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
