Planşet bazarında yüksəliş dövrü arxada qalıb
“IDC” analitik şirkətinin analitikləri bildiriblər ki, qlobal planşet bazarında yüksəliş dövrü arxada qalıb. Analitiklərin proqnozuna əsasən, 2014-cü ildə planşetlərin tədarükü yalnız 7,2% artacaq, halbuki bir il əvvəl bu göstərici 52,5% səviyyəsində hesablanmışdı. Hesab edilir ki, istehsalçılar cari ildə 235,7 milyon planşet buraxacaq. Qeyd edək ki, ekspertlər noutbuk rejimində işləyə bilən hibrid qurğuları da bu kateqoriyaya aid edib.
“IDC” analitiklərinin fikrincə, sözügedən bazar dinamikasının zəifləməsinin əsas səbəblərindən biri “iPad”in tədarükünün azalmasıdır. Gözləntilərə görə, 2014-cü ildə “Apple”ın planşetlərinin tədarükü ötən illə müqayisədə 12.7% az olacaq və 64,9 milyon təşkil edəcək.
"ICTnews" elektron xəbər xidməti “dailycomm.ru” saytına istinadən bildirir ki, analitiklərin qiymətləndirməsinə görə, “Android” və “Windows” platformaları ilə işləyən planşetlərin illik tədarükü müvafiq olaraq 16% və 67,3% artacaq.
Planşet bazarında zəifləməyə səbəb digər bir amil planşetlərin istifadə müddətinin uzunmüddətli olmasıdır. İstifadəçilərin smartfonlar kimi planşetləri də hər iki-üç ildən bir yeniləməsi ilə bağlı fərziyyələr özünü doğrultmayıb. Həqiqətdə isə planşet sahiblərinin əksəriyyəti 3-4 il eyni qurğudan istifadə edirlər.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
