“Bakcell” şirkəti onlayn müştəri xidmətlərinin tətbiqinə başlayacaq
“Bakcell” şirkəti gələn ildən etibarən artıq onlayn müştəri xidmətlərinin tətbiqinə başlayacaq.
“ICTnews” xəbər xidmətinin məlumatına əsasən, şirkətin baş müştəri xidmətləri direktoru Selda Kokmaz Bostancıoğlu bildirib ki, artıq mobil rabitə xidmətləri müştərilərinin operatorların onlara göstərdiyi xidmətlərə yanaşması kökündən dəyişib.
“Mobil rabitə müştəriləri fərqlidir, onların arasında iş adamları, evdar xanımlar, ahıllar, uşaqlar və gənclər var. Əvvəllər istifadəçi aşağı qiymətə keyfiyyətli xidmət almaq istəyirdisə, indi artıq onların mobil rabitəyə yanaşması dəyişib. İstifadəçilər mobil telefon, smartfon vasitəsi ilə kommunal ödənişlər etmək, bank hesabını idarə etmək, xidmət sifariş etmək, evdə tək qoyduqları uşağa nəzarət etmək və s. realda gördükləri işləri virtual şəkildə həyata keçirmək istəyirlər. Bizim bir operator kimi işimiz isə müştərilərimizin məmnuniyyətini təmin etməkdir. Əsasən müştərilər hər yerdə və istənilən vaxt mobil rabitədən istifadə etmək, öz balanslarını artırmaq, bütün bunların öz maliyyə imkanlarına uyğun gəlməsini istəyirlər və operatorun reklam kampaniyasında söz verdiyi bütün bonus və əlavə imkanlardan yararlanmaq istəyirlər və burada onlar haqlıdırlar”, - deyə “Bakcell”in nümayəndəsi qeyd edib.
Selda Kokmaz Bostancıoğlu onu da qeyd edib ki, şirkətin keçirdiyi araşdırmaların nəticələri göstərib ki, Çağrı mərkəzinin əsas fəaliyyəti şikayətləri həll etmək deyil, məlumatlandırmadan ibarətdir.
“Hazırda müştərilərin əksər hissəsi “Bakcell” şirkətinin çağrılara cavab vermə sürətindən məmnundur, Məqsədimiz abunəçilərimizə ən yüksək səviyyədə xidmət etməklə onların məmnun qalmasına nail olmaqdır”,- deyə “Bakcell”in rəhbər işçisi bildirib.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
