“Huawei” şirkəti “Honor T1” planşetini təqdim edib
Çinin mobil qurğu və telekommunikasiya avadanlığı istehsalçısı “Huawei” şirkəti yeni “Honor T1” planşet kompüterini nümayiş etdirib. Aparatın əsas özəlliyi qiymət və mobil rabitə dəstəyidir.
“Huawei Honor T1” modeli 1280x800 piksel 8 düymlük ekran, 1.2 QHs takt tezlikli dördnüvəli “Qualcomm Snapdragon 200” prosessoru ilə təchiz edilib. Cihaza “Android 4.3” əməliyyat sistemi quraşdırılıb.
"ICTnews" elektron xəbər xidməti “dailycomm.ru” saytına istinadən bildirir ki, qurğu, həmçinin 1 QB əməli yaddaş, 8 QB tutumunda fləş daşıyıcı, 5 meqapiksellik əsas və 0,3 meqapiksellik ön kameralar, 4800 milliamper/saat tutumunda akkumulyator batareyası ilə təchiz edilib. İstehsalçılar bildirib ki, planşet videoçarxları izləyən zaman 8 saat və internetdə sörfinq zamanı 7 saat avtonom işləməyə imkan verir.
Aparatın ölçüləri 210,6x127,7x7,9 mm, çəkisi 360 qram təşkil edir. Yeni modeldə internetə çıxış üçün “Wi-Fi” modulundan, həmçinin “3G”-modemdən istifadə etmək olar. Sonuncunun köməyi ilə istifadəçilər, həmçinin mobil şəbəkələrdə səsli zəngləri edə biləcək.
“Huawei Honor T1” planşetinin qiyməti 130 avro təşkil edir.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
