320 QB tutumunda rekord daxili yaddaşa malik smartfon
"Saygus" şirkəti "CES 2015" sərgisində 320 QB tutumunda rekord daxili yaddaşa malik smartfonunu təqdim edib. "Saygus V2" modelində "Micro SD" formatını dəstəkləyən iki ədəd slot var.
"ICTnews" elektron xəbər xidməti "macdigger.ru" saytına istinadən bildirir ki, "Saygus V2" modeli yalnız iki slotun mövcudluğu ilə deyil, həm də qabaqcıl xarakteristikaları ilə öyünə bilər. Qurğu 1920x1080 piksel (445 ppi) təsvir ölçülü və "Gorilla Glass 4" qoruyucu şüşəsinə malik 5 düymlük ekran, 2.5 QHs takt tezlikli dördnüvəli "Qualcomm" prosessoru, 3 QB əməli yaddaş, 21 meqapiksellik əsas və 13 meqapiksellik ön kameralar, simsiz enerjidoldurma və barmaq izlərinin skaneri ilə təchiz edilib.
"V2" aparatında daxili fləş daşıyıcısının həcmi 64 QB təşkil edir. 128 QB-dək tutumda kartlardan istifadəyə imkan verən iki ədəd "Micro SD" slotunun hesabına maksimal yaddaşın tutumu 320 QB təşkil edir. Smartfon 3100 milliamper/saat tutumunda akkumulyatorla təchiz edilib. Qurğunun korpusu alüminium və kevlar materialından hazırlanıb.
Yeni qurğunun ölçüləri 67x137x9,7 mm, çəkisi isə 141 qram təşkil edir. Həmçinin "NFC", "Bluetooth 4.0", "GPS", "Wi-Fi" modulları, infraqırmızı port mövcuddur. Smartfonda, həmçinin "Harman Kardon" texnologiyasının dəstəyi ilə stereodinamiklər quraşdırılıb. Aparat "GSM" və "CDMA" şəbəkələrində işləyir, "LTE" şəbəkəsini dəstəkləyir. Qurğu "Android" platformasının "4.4.4 KitKat" versiyası ilə işləyir.
Qurğunun ilk nüsxələri 2015-ci ilin əvvəlində satışa çıxarılacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
