“Gartner”: 2017-ci ilədək işlənmiş smartfon bazarının həcmi 120 milyona çatacaq
“Gartner” analitik şirkətinin qiymətləndirməsinə əsasən, 2014-cü ildə qlobal işlənmiş smartfon bazarının həcmi 56 milyon qurğu təşkil edib, pul baxımından satış həcmi 7 milyard dollara bərabər olub.
Ekspertlər hesab edirlər ki, yaxın gələcəkdə işlənmiş aparatlara tələbat artmağa davam edəcək: 2017-ci ilədək belə aparatların satış həcmi 120 milyonadək və ya pul baxımından 14 milyard dollaradək yüksələcək.
"İnkişaf etmiş bazarlarda alıcılar hər 18-20 aydan bir smartfonlarını yeniləyir, ona görə insanlar belə sualla qarşılaşırlar: bəs köhnə cihazları neyləyək? – “Gartner”in aparıcı analitiki Mayki Eşerix vəziyyəti şərh edib. Qurğuların təxminən 64 faizi "ikinci həyat"ını yaşayır: qurğuları ya başqa insanlara (istifadəçilərin 23 faizi belə edir) verirlər, ya da dəyişdirir və satırlar (41 faiz).
"ICTnews" elektron xəbər xidməti “dailycomm.ru” saytına istinadən bildirir ki, işlənmiş smartfonlar bazarının artımı yalnız yeni cihazların satışına deyil, həm də bütün smartfon iştirakçılarının gəlirinə təsir edəcək – mütəxəssis deyib. – İşlənmiş qurğuların qəbulu və onların mübadiləsi üzrə proqramlarda iştirak etmiş “oyunçular” ikinci əl qurğuları dəyərli aktivə çevirməyə imkan verəcək strategiya hazırlamalıdırlar.
İndi işlənmiş smartfonların 66 faizi təkrar istifadə olunur. Analitiklər hesab edir ki, bu, yüksək sinifli köhnə aparatlara mövcud tələbatla birgə yeni qurğuların satış həcminə getdikcə daha güclü təsir edəcək.
“Gartner”in proqnozuna görə, 2015-ci ildə Şimali Amerika və Qərbi Avropada belə smartfon bazarının həcmi 3 milyard dollara çatacaq və 2017-ci ildə 5 milyard dollaradək artacaq. İstifadəçilərin əksəriyyəti işlənmiş qabaqcıl modelləri satın almağa çalışır.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
