Cenevrədə Beynəlxalq Telekommunikasiya İttifaqı Şurasının illik sessiyası keçirilir
Cenevrədə (İsveçrə) Beynəlxalq Telekommunikasiya İttifaqı (BTİ) Şurasının - təşkilatın rəhbər orqanının illik sessiyası işə başlayıb. Mayın 22-dək davam edəcək sessiyanın gündəliyinə bir sıra məsələlərin, o cümlədən ittifaqın 2014-2015-ci illər üçün strateji fəaliyyət planının icrası, eləcə də 2016-2017-ci illər üçün büdcənin müzakirəsi daxildir.
BTİ-nin 2014-cü ilin oktyabr-noyabrında Koreya Respublikasının Busan şəhərində keçirilən Səlahiyyətli Konfransının yekunları üzrə Şura yeni seçilən üzvləri - Azərbaycan, Litva, Pakistan, Uqanda və Tanzaniyanı təbrik edib.
Sessiyanın açılışında çıxış edən BTİ baş katibi Xoulin Çjao bildirib ki, Şuranın 2015-ci il sessiyası BTİ-nin qarşıdakı dörd il üçün strateji planının və maliyyə planının uğurla hazırlandığı 2014-cü il Səlahiyyətli Konfransından sonra keçirilən ilk sessiyasıdır.
“Biz həmişə problemlər və insanların, dünyanın, ilk növbədə qoşulma imkanından məhrum olanların birləşdirilməsi üçün hüququmuz, eləcə də innovasiyalar və dayanıqlı yeni texnologiyalar vasitəsilə sahəyə və rabitə və informasiya-kommunikasiya texnologiyaları (İKT) bazarına kömək barədə düşünəcəyik”, - BTİ baş katibi vurğulayıb.
Xoulin Çjao əlavə edərək deyib: “Mən gələcəkdə də seçilmiş vəzifəli şəxslər və BTİ heyəti ilə ittifaqa daha yaxşı xidmət etmək üçün sıx əlaqədə işləməyi davam etdirəcəyəm və biz keyfiyyəti azaltmadan səmərəliyi artırmağa nail olacağıq”.
BTİ baş katibi Şuraya dəstəyə görə təşəkkürünü bildirərək onları ittıfaqın yaranmasının 150 illiyi münasibətilə təbrik edib.
“Şuranın bu sessiyası bizim üçün böyük əhəmiyyət kəsb edir, çünki biz BTİ-nin yaranmasının 150 illiyini qeyd edirik. Artıq 150 ildir BTİ dünyada İKT-ni tətbiq etməklə vətəndaşların həyatını yaxşılaşdırmağa çalışır”, - Şura sədri Von Qi Mun çıxışında bildirib.
Xatırladaq ki, 2014-cü il oktyabrın 27-də keçirilən seçkilərdə ilk dəfə 94 səslə Şuraya üzv seçilən Azərbaycan C regionundan (Şərqi Avropa və Şimali Asiya) namizədliyini verən ölkələr - Polşa, Bolqarıstan, Rusiya, Rumıniya, Makedoniya və Qırğızıstan ilə rəqabət aparıb. Vakant 5 yerə Azərbaycanla yanaşı, dörd ölkə, o cümlədən Polşa, Rusiya, Rumıniya və Bolqarıstanın Şuraya üzvlüyü qəbul olunub.
Azərbaycan həmçinin Regional Rabitə Birliyinin (RRB) tarixində BTİ Şurasına üzv seçilən iki ölkədən biri olub.
BTİ Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində fəaliyyət göstərən aparıcı təsisatıdır. 150 il ərzində BTİ qlobal əsasda radiotezlik spektrindən birgə istifadənin koordinasiyasını həyata keçirir, peyklər üçün orbital mövqelərin ayrılmasında beynəlxalq əməkdaşlığa yardım edir, inkişaf etməkdə olan ölkələrdə rabitə infrastrukturunun yaxşılaşdırılmasına xidmət edir və dünyada rabitə sistemlərinin geniş diapazonunun maneəsiz fəaliyyətini təmin edən standartlar hazırlayır, - “ITU” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
