“Lenovo” şirkəti fləşkart ölçüsündə “IdeaCenter Stick 300” adlı kompüterini təqdim edib
Çinin "Lenovo" şirkəti fləş-kart ölçüsündə "IdeaCenter Stick 300" qurğusunu təqdim edib. "IdeaCenter Stick 300" qurğusunu işlətmək üçün onu "HDMI" konnektoru ilə təchiz edilmiş monitora qoşmaq, həmçinin simsiz klaviatura və "maus" lazımdır.
"ICTnews" elektron xəbər xidməti "hitech.newsru.com" saytına istinadən bildirir ki, mikrokompüter dördnüvəli "Intel Atom Z3735F" prosessoru, 2 QB əməli və 32 QB daxili yaddaşla təchiz edilib. "IdeaCenter Stick 300" "Windows 8.1" əməliyyat sistemi (ƏS) ilə işləyir və tezliklə "Windows 10" ƏS-nə yenilənəcək. Qurğu, həmçinin "Wi-Fi 802.11 b/g/n" və "Bluetooth 4.0" standartlarını dəstəkləyir. Daxili dinamikin mövcudluğu qurğunun fərqləndirici xüsusiyyətidir.
Qurğu iyulda satışa çıxarılacaq. "Lenovo IdeaCenter Stick 300" qurğusunun dəyəri 129 dollar təşkil edəcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
