Robotlar insanların müalicəsində həkimlərə kömək edəcək
“Ağıllı” robotlar getdikcə insan həyatına daha aktiv daxil olur. Əlbəttə ki bu planda ən qabacıl ölkə Yaponiyadır. Məsələn, bu yaxınlarda Yaponiyada istifadəyə verilmiş hoteldə heyətin çox hissəsi robotlardır. Bundan başqa, Yaponiyada robotlar, hətta “ailə” qurur. Sinqapurda isə robotlar həkimlərə kömək edirlər.
"ICTnews" elektron xəbər xidməti “mail.ru” saytına istinadən bildirir ki, “Panasonic System Solutions Asia Pacific” (“PSSAP”) şirkəti və Sinqapurun “Changi General Hospital” (“CGH”) klinikası tibb sahəsində innovasiyalı avtomatlaşdırılmış texnologiyaların tətbiqinə başlayıb. “CGH” klinikası Yaponiyadan kənarda “Panasonic Hospi” avtonom robotlarının eksperimental istifadəsinə başlamış ilk çoxsahəli tibbi müəssisə olub. Yüksəktexnologiyalı köməkçilər tibb personalının səmərəliliyini yüksəltməlidir.
Robotlar gündə 24 saat, həftədə yeddi gün olmaqla işləməyə hazırdır. Onlar mühafizə sistemi ilə təchiz ediliblər: yalnız identifikasiya olunmuş “ID” kartın köməyi ilə robotlara giriş əldə etmək olar.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
