Azərbaycan startapı 1,5 milyon dollarlıq sərmayə uğrunda rəqabət aparmaq imkanı əldə edə bilər
Avqustun 7-də Bakıda "Seedstars World” müsabiqəsinin lokal versiyası keçiriləcək.
“ICTnews” elektron xəbər xidmətinin məlumatına əsasən, Azərbaycan Diplomatik Akademiyasının, “Azercell Telekom” şirkətinin, “PashaBank”-ın və “Khazar Ventures”-in təşkilatçılığı ilə keçiriləcək tədbirdə 12 yerli uğurlu startap yerli və beynəlxalq jüriyə təqdim ediləcək.
Müsabiqənin iştirakçılarından birinə qalib olaraq İsveçrəyə bilet qazanmaq imkanı nəsib olacaq və o, 1,5 milyon dollar məbləğində sərmayə uğrunda mübarizə aparmaq imkanı əldə edəcək.
“Seedstars Word”-ün baş direktoru Alisi Tonakın sözlərinə əsasən, layihənin əsas məqsədi sahibkarlara dəstək olmaq və onların vahid şəbəkə çərçivəsində bir mühitdə əməkdaşlığını təşkil etməkdir.
Bakıda keçiriləcək tədbirdə jüri qismində “Golden Pay” şirkətinin baş direktoru Fərid İsmayılzadə, “PASHA Bank”-ın korporativ kommunukasiyalar üzrə meneceri Ceyhun Atayev, “Seedstars World”-ün regional meneceri Con Çehaybar, “Khazar Ventures”-in rəhbər tərəfdaşı Nail Vəliyev, “Azercell”-in yeni texnologiyalar bölümünün rəhbəri Cəmaladdin Həsənov, Bakı Dövlət Universitetinin professoru Aynur Kərimova, “ADA Foundation”-ın prezidenti Natiq Hacıyev çıxış edəcəklər.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
