Kabel televiziya xidmətlərinin baza paketindən idman kanalları çıxarılmayacaq
Azərbaycan Kabel Operatorları Assosiasiyası (AKOA) yerli kabel televiziya xidmətləri operatorlarının təqdim etdiyi baza paketində yeni tariflərin tətbiqindən sonra idman kanallarının çıxarılmayacağını bildirib.
AKOA-nın icraçı direktoru Əli Əliyevin “ICTnews” xəbər xidmətinə verdiyi məlumata əsasən, sentyabrın 1-dən vahid xidmət tarifi qüvvəyə minəcək və bu tarif müqabilində müştərilərə 100 kanaldan ibarət baza paketi təqdim ediləcək.
“Bu paketdə mövcud olan idman kanallarının çıxarılması nəzərdə tutulmayıb, istifadəçilər “NTV+” şirkətinin “Futbol 1”, “Futbol 2”, “Futbol 3”, “Sport- Plus” və digər populyar kanallara baxmaqda davam edəcəklər. Bundan başqa onlar “Extra Paket” alaraq 10 əlavə idman kanalı seçərək baxmaq imkanına malik olacaqlar, bu, İngiltərə Liqası, Rusiyanın və digər ölkələrin idman kanalları ola bilər”, - deyə o bildirib.
Qeyd edək ki, bu günlərdə kabel televiziyası operatrolarının vahid tariflə xidmət göstərməsinə başlaması ilə bağlı, baza paketlərində kanalların sayının azalacağı və bu paketlərdən idman kanallarının çıxarılması haqda şayiələr geniş müzakirə mövzusuna çevrilib. Lakin operatorlar baza paketə ən baxımlı kanalları toplayacaqlarını bildiriblər.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
