“Apple”ın keçmiş direktoru ucuz smartfonlar təqdim edib
“Apple”ın keçmiş baş direktoru Con Skallinin rəhbərlik etdiyi “Obi Worldphone” şirkəti “Android” platforması ilə işləyən “Obi SF1” və “SJ1.5” smartfonlarını təqdim edib.
“ICTnews.az” saytı “lookatme.ru” saytına istinadən xəbər verir ki, “Obi” iki variantda əlçatan olacaq: 199 dollarlıq “SF1”, 129 dollarlıq “SJ1.5”. “SF1” smartfonu “Qualcomm Snapdragon” prosessoru, “Sony” kamerası və “Dolby” dinamikləri ilə təchiz edilib. Daha ucuz “SJ1.5” smartfonuna “MediaTek” prosessoru quraşdırılıb. Hər iki smartfon “Android Lollipop” mobil əməliyyat sistemi ilə işləyir.
“Obi” şirkəti yeni smartfonlarını Çin, İndoneziya, Vyetnam kimi ölkələrdə satmağı planlaşdırır. Şirkətdən bildirilib ki, bu dövlətlərdə smartfon bazarı hələ tam formalaşmayıb və “Obi”yə başqa şirkətlərlə rəqabət aparmaq daha asan olacaq.
Məlumat üçün bildirək ki, Con Skalli 1985-dən 1993-cü ilədək “Apple” şirkətinə rəhbərlik edib.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
