İstehlak elektronikası bazarında ən tələbatlı qurğu hansıdır?
Yaxın 5 ildə daşınan elektronika qurğularına tələbat sürətlə artacaq. «Euromonitor International» tədqiqat şirkətinin məlumatına görə, daşınan cihazların tədarükü ildə orta hesabla 55 faiz artacaq və 2020-ci ildə 305 milyonu ötəcək.
Mütəxəssislər hesab edirlər ki, bu kateqoriya istehlak elektronikası bazarında populyarlığına görə ikinci pilləni tutacaq. Smartfon kateqoriyası birinci pilləyə sahibdir.
«ICTnews.az» saytı «dailycomm.ru» saytına istinadən yazır ki, "2020-ci ildə smartfonların satış həcmi 1,6 milyardı ötəcək. Bu qurğular istehlakçıların həyatını dəyişdi. İnkişaf etməkdə olan bazarlarda smartfonlar insanlar üçün ehtiyaca çevrilib və çoxları bu kateqoriya qurğudan internetə çıxış üçün yeganə qurğu kimi istifadə edirlər" - «Euromonitor»un eksperti Loo Vi Tek proqnozlaşdırır.
Mütəxəssis, həmçinin bildirib ki, inkişaf etməkdə olan iqtisadiyyata malik regionların istifadəçiləri daha böyükölçülü modellərə üstünlük verəcək, çünki onlar mediaməzmunun istehlakı üçün daha rahatdır. Bunu nəzərə alaraq demək olar ki, 2020-ci ildə dünyada satılmış hər üç smartfondan biri fabletlər (5,5-7 düym diaqonallı ekrana malik aparatlar) sinfinə məxsus olacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
