ABŞ-ın İT nəhənglərinin ofşor gəlirlərinin həcmi məlum olub
Ədalətli Vergi qoyma Mərkəzi («Citizens for Tax Justice») və istehlakçıların hüquqlarının müdafiəsi üzrə Təşkilatın Təhsil fondu («U.S. Public Interest Research Group Education Fund») tərəfindən birgə keçirilmiş tədqiqata əsasən, «Fortune 500» siyahısına daxil olan ABŞ-ın ən böyük korporasiyaları ofşorlarda 2,1 trilyon dollar məbləğində vəsait saxlayırlar.
«Apple» üç ofşor strukturunda 181,1 milyard dollar saxlayır və beləliklə, bu yolla vergidən yayınır. Nəticədə «iPhone» və «iPad» istehsalçısı vergidən təxminən 59,2 milyard dollar yayındıra bilib. «Microsoft» ofşor strukturların köməyi ilə vergidən 108,3 milyard dollar yayındırıb.
«ICTnews.az» saytı «dailycomm.ru» saytına istinadən yazır ki, gəlirinin bir hissəsini ofşor şirkətlərdə gizlədən ABŞ-ın bir sıra başqa İT korporasiyaların adı tədqiqatda qeyd edilib. Belə ki, «IBM» vergidən 61,4 milyard dollar, «Cisco» 52,7 milyard dollar yayındırır. İnternet nəhəngində bu göstərici 47,4 milyard dollar təşkil edir.
Bildirək ki, 50-dən çox korporasiya ofşor strukturlarda yerləşdirilmiş gəlirini vətənə geri qaytardığı halda, 184,4 milyard dollar məbləğində vergi ödəməli olacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
