FK-lərin dünya üzrə tədarükü 10 faiz azalıb
2015-ci ilin üçüncü rübündə fərdi kompüterlərin (FK) dünya bazarına tədarük həcmi 10 faiz azalıb.
Tədarük həcminin azalması
«Gartner» analitik şirkətinin məlumatına əsasən, 2015-ci ilin üçüncü rübündə qlobal FK tədarükü 73,7 milyon təşkil edib ki, bu da ötən illə müqayisədə 7,7 faiz daha azdır.
«IDC»-nin məlumatına görə, FK-nin tədarük həcmi 10,8 faiz azalaraq 71 milyon qurğu təşkil edib.
«IDC»-nin nümayəndəsi bildirib ki, azalma gözlənildiyindən çox qeydə alınıb. «Gartner»in məlumatına əsasən, cari ilin üçüncü rübündə «EMEA» (Avropa, Yaxın Şərq, Afrika) regionuna FK tədarükü ötən ilin müvafiq dövrü ilə müqayisədə 17,4 faiz azalıb.
Mənfi amillər
«EMEA» regionunda qeyri-stabil iqtisadi situasiya və siyasi gərginlik FK bazarına mənfi təsir göstərir. Bundan başqa, dolların kursu mühüm amildir. 2015-ci ilin əvvəlindən dünya valyutaları ilə müqayisədə dolların kursu təxminən 10 faiz yüksəlib.
Bu, yalnız EMEA regionunda deyil, həmçinin Yaponiya və Latın Amerikasında FK bazarına təsir göstərib. ABŞ-da FK tədarükü 1,3 faiz, Asiya-Sakit okean regionunda 1,7 faiz yüksəlib.
«Gartner»in analitiklərinin sözlərinə görə, 2015-ci ilin üçüncü rübündə «Windows 10» əməliyyat sisteminin çıxarılması FK tədarükünə müsbət təsir göstərməyib. Bununla belə, analitiklər hesab edir ki, cari ilin dördüncü rübündə «Windows 10» sistemi FK bazarına müsbət təsir göstərəcək.
FK-lərə marağın artması
«Gartner»in sorğusunda iştirak etmiş respondentlərin təxminən 50 faizi 12 ay ərzində yeni kompüter, 21 faizi isə yeni planşet satın almaq niyyətindədir. Analitiklər bildiriblər ki, FK satın almaq istəyənlər artıb ki, bu da müsbət siqnaldır.
Top-5
«Gartner» və «IDC» tərəfindən dərc edilmiş istehsalçıların «Top-5»-liyi uyğun gəlir. Reytinqdə birinci pilləni «Lenovo», ikincini «HP», üçüncünü «Dell», dördüncünü «Apple», beşincini isə «Acer» şirkəti tutub. «IDC»-nin məlumatına əsasən, rübün nəticəsinə görə heç bir şirkət müsbət nəticə göstərməyib.
Proqnoz
«Gartner»in baş analitiki Mikako Kitaqavanın sözlərinə görə, FK bazarında ilkin bərpa əlamətləri 2015-ci ilin dördüncü rübündə qeydə alınacaq.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
