İstifadəçilər smartfonların təhlükəsizlik məsələlərinə ciddi yanaşmağa başlayıb
“CTIA” Assosiasiyasının sifarişi ilə keçirilən tədqiqata görə, mobil qurğu sistemlərinə artan kiberhücumlarla əlaqədar istifadəçilər smartfonlarda saxlanılan vacib informasiyanın təhlükəsizlik məsələlərinə ehtiyatla yanaşmağa başlayıb.
Bildirilir ki, mobil qurğu istifadəçilərinin 61 faizi qurğuların mühafizəsi üçün PIN-koddan istifadə edir. Bu göstərici 2012-ci ilin statistikası ilə müqayisədə 20 faiz çoxdur. İstifadəçilərin 40 faizi qurğularda antivirus proqramları quraşdırıb. Bu göstəricinin üç il ərzində artımı 29 faiz təşkil edib.
Tədqiqatın nəticələrindən məlum olub ki, mobil qurğu istifadəçilərinin yarısı bank köçürmələrini smartfonlar vasitəsilə həyata keçirir, 60 faizi qurğu sahibinin fiziki vəziyyəti haqqında məlumatları saxlayan fitnes üçün əlavələr quraşdırır. Bundan başqa, rəyi soruşulanların 80 faizi kibertəhlükəsizliyin bir neçə aspekti ilə tanış olduğunu bildirib, daha 75 faizi məlumatların və qurğuların kiberhücumlardan və qanunsuz müdaxilələrdən mühafizəsi üçün tədbirlər görür.
“CTIA” Assosiasiyasının texnologiyalar üzrə vitse-prezidenti Con Marino bildirib ki, kibertəhlükəsizlik sahəsində təhdidlərin qarşısını almaq üçün əsas əlverişli amil operator, mobil qurğu istehsalçıları, əlavə tərtibatçıları, eləcə də istifadəçilərin apardığı birgə işdir, - "SecurityLab” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
