Azərbaycan 2013-cü ildə «elektron audit» sistemini tətbiq edəcək
Azərbaycan Vergilər Nazirliyi 2013-cü ildə ölkədə «elektron audit» («e-audit») sistemini tətbiq edəcək. Bu barədə vergilər nazirinin müşaviri Asəf Əsədov bildirib.
Onun sözlərinə görə, vergi yoxlamalarda elektron auditin tətbiqi məqsədilə Vergilər Nazirliyi tərəfindən xarici ekspertlərlə birgə «Kompüter əsaslı audit sistemi sahəsində Azərbaycan Vergilər Nazirliyinə dəstəyin göstərilməsi» Tvinninq layihəsi hazırlanıb və 2010-cu ilin may ayında Avropa Komissiyasının Azərbaycandakı nümayəndələyində Danimarka, Finlandiya, Estoniya, Fransa, Almaniya, Hollandiya və Litvanın vergi administrasiyalarının nümayəndələrinin iştirakı ilə keçirilmiş tenderdə Niderland Krallığının Vergi və Gömrük Administrasiyası qalib gəlib və bu ilin martın 1-dən başlamış bu proses 2013-cü ilin mart ayına qədər davam edəcək.
Layihənin 6 komponentdən ibarət olduğunu bildirən A.Əsədov bildirib ki, ilk komponent 3 ay davam edib və bura «e-audit»in tətbiqi üçün zəruri olan hüquqi bazanın hazırlanması, ikinci komponentə (2 ay) «e-audit» üçün müvafiq proqram təminatının seçilməsi, üçüncü komponentə (6 ay) «e-audit»in tətbiqi ilə bağlı məlumat bazasının yaradılması, dördüncü komponentə (7 ay) «e-audit» üzrə metodologiyanın hazırlanması və auditorların treninqin təşkili, beşinci komponentə (6 ay) «e-audit» sisteminə uyğun olan orta və iri müəssisələr arasında istifadə edilən «e-mühasibat» sistemlərinin tətbiqi praktikasının inkişaf etdirilməsi, altıncı komponentə isə (7 ay) «e-audit» sistemnin tətbiqi daxildir.
«Bu müddət ərzində «e-audit»in tətbiqinə hazır olan bir neçə müəssisədə ilkin olaraq pilot (sınaq) layihəsinin həyata keçirilməsi nəzərdə tutulur. Layihə başa çatdıqdan sonra ilkin nəticələr əsasında «e-audit»in tətbiqi praktikası tədricən digər orta və iri müəssisələri də əhatə edəcək», - deyə A.Əsədov bildirib.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
