Yeni nəsil televiziya texnologiyalarının inkişafı üçün assosiasiya yaradılıb
Las-Veqasda keçirilən “Consumer Electronics Show 2016” (CES) istehlak elektronikası sərgisində tərkibinə “UHD” (ultra-high-definition television - ultra-yüksəktəsvirli televiziya) ekosisteminin inkişafında maraqlı olan aparıcı Hollivud kinostudiyalarının, istehlak elektronikası istehsalçılarının, kontent provayderlərinin və texnoloji şirkətlərin daxil olduğu “UHD Alliance” assosiasiyasının yaradılması elan edilib.
“ICTnews” Elektron Xəbər Xidməti “www.4pda.ru” resursuna istinadən yazır ki, assosiasiyanın məqsədi “UHD” sənayesinə cəlb olunan bütün şirkətlər üçün vahid standartların işlənməsidir.
Qurum diqqəti “4K” təsvir ölçüsü, geniş dinamik diapazon (High Dynamic Range), geniş rəng qamması (Wide Color Gamut), yüksək kadr tezliyi (High Frame Rate), geniş “3D” səs və s. kimi yeni nəsil televiziya texnologiyalarının inkişafına yönəldəcək.
Assosiasiyaya “Samsung Electronics” şirkəti və digər istehlak elektronikası istehsalçıları, eləcə də aparıcı kontent provayderləri, kino və televiziya sənayesinin liderləri (DIRECTV, Dolby, LG Electronics, Netflix, Panasonic Corporation, Sharp Corporation, Sony Visual Product, Technicolor, The Walt Disney Studios, Twentieth Century Fox və Warner Bros. Entertainment) daxildir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
