Yeni nəsil avtomatlaşdırılmış ekzoskelet fiziki məhdudiyyətli insanlara kömək edəcək
ABŞ-ın "SuitX" şirkəti tərəfindən hazırlanmış yeni nəsil avtomatlaşdırılmış "Phoenix" ekzoskeleti sayəsində iflic olmuş insanlar yenidən hərəkət etmək imkanı əldə edə bilərlər. Hər bir belə konstruksiya sifariş əsasında hazırlanır və çəkisi təxminən 12 kq-dır.
"ICTnews" Elektron Xəbər Xidməti "hitech.vesti.ru" saytına istinadən yazır ki, lakin sözügedən ekzoskeletin dəyəri təqribən 40 min dollar təşkil edir ki, bu da əlil arabası ilə müqayisədə çox bahadır.
Tibb şirkətləri əlillərin sərbəst hərəkət etməsinə kömək məqsədilə "robot kostyum"ları üzərində təkmilləşdirmə işləri aparırlar. Müqayisə üçün, "ReWalk" adlı analoqlardan birinin dəyəri 70 min dollar və çəkisi 22 kq-dır.
Bununla belə, ekzoskeletlərin qiymətinin baha olması və aşağı iş qabiliyyəti nəticəsində onlar bir çoxları üçün əlçatan deyil.
"Bu sistemlərin alternativ kimi qəbul edilməsi üçün sürət, iş vaxtı, yığcamlıq və rahatlıq kifayət qədər yaxşı olmalıdır" – deyə "ETH Zurich"in elmi işçisi Folker Bartenbax bildirib. Əgər çörək dükanına olan 100 metr məsafəni qət etmək üçün sizə 10 dəqiqə və ekzoskeleti geyinmək üçün 5 dəqiqə vaxt lazımdırsa, o zaman siz, ehtimal ki, əlil arabasına üstünlük verəcəksiniz".
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
