Dünyanın doqquz iri mobil operatoru innovativ servislərin birgə inkişafı üçün alyans yaradıb
"МТС", "British Telecom", "Deutsche Telekom", "JIO Infocomm", "Millicom", "Orange", "Rogers", "TeliaSonera" və "TIM" mobil rabitə operatorları innovativ tərəfdaş şirkətlərin məhsul və xidmətlərinin sürətli və effektiv inkişafı üçün alyans yaradıblar. Alyansın bütün iştirakçılarının ümumi abunəçi bazası 80-dən çox ölkədə 1 milyard nəfəri əhatə edir.
"ICTnews" Elektron Xəbər Xidməti "CNews" resursuna istinadən yazır ki, bütün dünyada bir-birinin coğrafi əhatəsini tamamlayan həmfikir operatorlar üçün açıq meydança olan alyansın yaradılmasında məqsəd innovativ tərəfdaşlar üçün tələbatın olduğu yeni məhsulların birgə istehsalı, bu servislərin bazarda tanıdılması sahəsində ən yaxşı praktikaların mübadiləsi, bazar, aktual tendensiyalar və xidmətlər haqqında informasiya mübadiləsindən ibarətdir. Alyansın fəaliyyəti mobil operatorların bütün müvafiq məhsul kateqoriyalarını, o cümlədən mobil və stasionar rabitə, "B2C" və "B2B" xidmətlərini əhatə edir.
İnnovativ servislərlə birgə tərəfdaşlıq fəaliyyəti üzrə ilk addımlar 2014-cü ildə atılıb və o vaxtdan şirkətlər 30 tərəfdaşla əməkdaşlığa başlayıb. Tərəfdaşlıq xidmətləri, məsələn, "AirBnB", "Celltick", "Disconnect", "Idoomoo", "Magisto", "Mojio" və "Spotify" kimi innovativ şirkətlərə göstərilir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
