Rabitə və Yüksək Texnologiyalar Nazirliyi tərəfindən “Nardaran Bilik Evi”nə kompüter dəstləri təqdim edilib
Rabitə və Yüksək Texnologiyalar Nazirliyi (RYTN) tərəfindən Azərbaycan Respublikasının Prezidenti yanında Bilik Fondu ilə əməkdaşlıq çərçivəsində Nardaran qəsəbəsinin gənclərinin maariflənməsi, ixtisaslaşması, qlobal məkana inteqrasiyası, informasiya-kommunikasiya texnologiyalarından istifadə üzrə bacarıqlarının inkişaf etdirilməsinə dəstək məqsədilə "Nardaran Bilik Evi"nə müasir kompüter dəstləri təqdim edilib.
Təqdim edilən kompüter dəstləri məktəb şagirdlərinin, müəllim heyətinin və müxtəlif yaş qrupları üzrə sakinlərin bilik və bacarıqlarının formalaşmasına, təkmilləşməsinə və ölkədə formalaşan "elektron hökumət" həllərində yaxından iştirakına öz töhfəsini verəcəkdir.
Qeyd edək ki, Bilik Fondu Azərbaycan dövlətinin daxili və xarici siyasətinin, ölkədə aparılan sosial-iqtisadi, mədəni quruculuq proseslərinin mahiyyətinin ictimaiyyətə çatdırılması, gənclərin peşə hazırlığının yüksəldilməsi, maraq dairələrinin genişləndirilməsi, məşğulluğuna dəstək göstərilməsi məqsədilə ödənişsiz əsaslarla informasiya-kommunikasiya texnologiyaları, kompüter, rus, ingilis və Azərbaycan dilləri üzrə hazırlıq kurslarının fəaliyyət göstərdiyi "Bilik Evləri" yaradır. RYTN bu layihə çərçivəsində Fondla sıx əməkdaşlıq edir.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
