Süni intellekt xərçənglə mübarizəyə cəlb olunub
Mövcud patologiya diaqnostikası son yüz ildə mahiyyət etibarilə dəyişməz qalıb - hər şey mikroskop altında aşkar edilir. İsrailin “Beth Israel Deaconess Medical Center” (BIDMC) Tibb Mərkəzi və Harvard Tibb Məktəbinin alimlər qrupunun təklif etdiyi yeni üsul praktikanı tam dəyişərək diaqnostikaya süni intellekti cəlb edə bilər.
“ICTnews” Elektron Xəbər Xidməti “Naked Science” resursuna istinadən yazır ki, hazırda alimlər patologiyalara dəqiq diaqnoz qoymaq üçün kompüter proqramı hazırlayıblar və gələcəkdə onun əsasında tam süni intellektin (AI) yaradılması planlaşdırılır. “BIDMC” patoloqu Endryu Bekin sözlərinə görə, metod özündə nitqin və təsvirin tanınması texnikasını birləşdirən alqoritmə əsaslanır. Bu yaxınlarda üsul biotibb tomoqrafiyası üzrə beynəlxalq simpoziumun (ISBI) illik iclasında nümayiş olunub. Sınaq zamanı proqram qarşısında limfa düyünlərini yoxlayaraq xəstədə süd vəzisi xərçənginin əlamətlərinin olmasını müəyyən etmək qoyulub. “Xəstənin limfa düyünlərində metastazın aşkar olunması patoloqlar üçün böyük əhəmiyyət kəsb edir. Adətən bu, mikroskopa baxanda və bir neçə bədxassəli şişi aşkarlamaq üçün milyonlarla normal hüceyrəni əkəndə baş verir. Biz qərara gəldik ki, kompüter bunun öhdəsindən daha effektiv gələ bilər”, - E.Bek bildirib.
Metodun sınağı nəticəsində proqram vasitəsilə əldə edilən məlumatların dəqiqliyi 92 faiz təşkil edib. Bu, demək olar, diaqnozlarının dəqiqliyi 96 faizə bərabər olan peşəkar patoloqların işlərinin nəticələrinə uyğundur.
“Lakin əsl heyranedici hal kompüterin və patoloq insanın nəticələrini müqayisə edəndə baş verib. Ümumi dəqiqlik 99,5 faiz təşkil edib. Metodların birləşdirilməsi diaqnozun qoyulması zamanı yol verilən səhvlərin xeyli azaldılmasına imkan verib”, - “BIDMC” patoloqu vurğulayıb.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
