Avqust ayı ərzində “Elektron hökumət” portalında ən çox müraciət olunan sahələr
“Elektron hökumət” portalı üzrə müraciətlərin, həmçinin elektron xidmətlərdən istifadə edənlərin sayı artıb. Portal vasitəsilə göstərilən xidmət növləri genişləndikcə vətəndaşlar tərəfindən elektron xidmətlərə maraq daha da artır. Qeyd edək ki, bu günə kimi portala müraciət edənlərin sayı 3,2 milyona yaxınlaşıb. Portalda gündəlik olaraq orta hesabla 50 000 ziyarətçi qeydə alınır.
Avqust ayı ərzində aparılan statistika zamanı məlum olub ki, portal vasitəsilə xidmətlərdən ən çox istifadə edən qurum Tələbə Qəbulu üzrə Dövlət Komissiyasıdır (TQDK) ki, ay ərzində TQDK-nın təqdim etdiyi 15 xidmətindən 522563 dəfə istifadə olunub. Rabitə və Yüksək Texnologiyalar Nazirliyinin 34 xidmətinə isə 7079 nəfər 520825 dəfə müraciət edib.
Əmək və Əhalinin Sosial Müdafiəsi Nazirliyi (ƏƏSMN) portal vasitəsi ilə 26 xidmət təqdim edir. ƏƏSMN-nin bu xidmətlərdən 55974 nəfər 468113 dəfə istifadə edib. Dövlət Gömrük Komitəsinin təqdim etdiyi elektron xidmətlərdən isə 53755 dəfə istifadə edilib. Vətəndaşların daha çox diqqətini çəkən sosial xidmətlərdən biri də elektron arayışlardır. Hazırda portalda 13 adda elektron arayış var ki, onlardan da 28175 nəfər 41707 dəfə istifadə edib.
Qeyd edək ki, istifadəçi marağını nəzərə alıb arayışların çeşidinin artırılması üzərində işlər aparılır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
