“E-imza”nın tətbiqi hüquqi şəxslərin online qeydiyyatını aparmağa kömək edəcək
Gələn ildən etibarən Azərbaycanda hüquqi şəxslərin onlayn qeydiyyatına başlanacaq. Bu barədə Bakı şəhər Vergilər Departamentinin Vergi bəyannamələrinin qəbulu və işlənməsi idarəsinin rəhbəri Natiq Şirinov deyib.
Onun sözlərinə görə, Azərbaycanda artıq sahibkarlıq fəaliyyəti ilə məşğul olan fiziki şəxslərin elektron qeydiyyatı aparılır.
Vergilər Nazirliyi indi hüquqi şəxslərin də onlayn qeydiyyatı üzrə işləri tamamlayır ki, bu, ölkədə elektron imzanın tətbiqinin başlanması ilə mümkün olacaq. Hazırda ölkəmiz bu sahədə digər ölkələrin təcrübəsini öyrənir.
Sahibkarların elektron qeydiyyat sisteminin tətbiqi ilə şəxsi identifikasiya nömrəsinin əldə olunması internet vasitəsilə ərizə təqdim olunması ilə mümkün olacaq. Bu "vahid pəncərə" sisteminin inkişafına və Azərbaycanın investisiya imkanlarının yaxşılaşdırılmasına kömək edəcək.
"Vahid pəncərə" vasitəsilə ticarətin qeydiyyat sistemi 2008-ci ilin əvvəlindən tətbiq olunur və o, Vergilər Nazirliyi tərəfindən həyata keçirilir.
Vergilər Nazirliyi 2011-ci il iyul ayının 1-dən ilk dəfə hüquqi şəxs təşkil etmədən sahibkarlıq fəaliyyəti ilə məşğul olan fiziki şəxslərin onlayn qeydiyyatını həyata keçirib.
İlkin qiymətləndirmələrə görə, fiziki şəxslərin onlayn qeydiyyatının tətbiq olunması ildə təxminən bir milyon manata qənaət və qeydiyyat üçün sərf olunan vaxtın 2 gündən 2-3 dəqiqəyə qədər azaldılmasını təmin edəcək.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
