Alimlər işığın təsiri ilə hərəkət edən robot yaradıblar
Amerikalı, koreyalı və başqa ölkələrdən olan alimlər tərəfindən yaradılmış kiçikölçülü robotlar işığın təsiri ilə hərəkət etmək qabiliyyətinə malikdirlər. Pitsburq və İnxa universitetlərinin mütəxəssisləri Hərbi Hava Qüvvələri laboratoriyasının əməkdaşları ilə birgə polimer maddələrdən ibarət robotların yaradılması üzərində çalışıblar.
“ICTnews” Elektron Xəbər Xidməti “newsland.com” saytına istinadən yazır ki, ilk öncə robotun enerji mənbəyi qismində maqnit sahəsi, akustik dalğalar, həmçinin temperatur dəyişkənliyindən istifadə planlaşdırılmışdı. Ancaq son nəticədə ultrabənövşəyi şüadan istifadəyə dair qərar verilib.
Sınaqlar xüsusi monolit polimerlərdə keçirilib. Onları maye kristal polimerdən əldə edirlər. Belə materialdan yaradılmış qurğular ultrabənövşəyi şüaların təsiri ilə hərəkət edir.
Robot yalnız irəli və geriyə doğru deyil, həm də 15 dərəcə bucaq altında hərəkət etmək qabiliyyətinə malikdir. Hələ ki hərəkət sürəti saniyədə bir neçə millimetr təşkil edir. Qeyd edək ki, robot işıq mənbəyi mövcud olana kimi hərəkət edir.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
