“İnternetdə uşaqların hüquqları” mövzusunda tədbir keçirilib
Rabitə və Yüksək Texnologiyalar Nazirliyi Təhsil Nazirliyi ilə birgə BMT-nin "Uşaq hüquqları haqqında" Konvensiyanın qəbul edilməsinin ildönümü münasibətilə "İnternetdə uşaqların hüquqları" mövzusunda tədbir keçirib.
Tədbir internetdə uşaq hüquqları, bu hüquqlardan istifadə zamanı internetdən təhlükəsiz istifadənin təbliği, uşaqların informasiya təhlükəsizliyi sahəsində biliklərinin artırılması məqsədi daşıyıb.
Nazirliyin Elektron Hökumət Təlim-Tədris Mərkəzində keçirilmiş tədbirə Sumqayıt, Gəncə (2 mərkəz), Mingəçevir, Lənkəran, Bərdə və Qazax şəhərlərindəki Təlim-Tədris mərkəzləri də video-konfrans vasitəsilə qoşulub.
Dinləyici kimi həm Bakıda, həm də regionlardakı mərkəzlərdə orta ümumtəhsil məktəblərinin 8-10-cu sinif şagirdləri olmaqla 150 nəfər iştirak edib.
Tədbirdə Rabitə və Yüksək Texnologiyalar Nazirliyinin nümayəndəsi çıxış edərək BMT-nin "Uşaq Hüquqları Konvensiyası", "Uşaq hüquqları haqqında" Azərbaycan Respublikasının Qanunu və ölkəmizdə mütəmadi olaraq keçirilən "Uşaq hüquqları aylığı" barədə, habelə internetdə uşaqların hüquqları və internetdən təhlükəsiz istifadə ilə bağlı məlumat verib.
Elektron Hökumət Təlim-Tədris Mərkəzinin direktor vəzifəsini icra edən Rauf Cabbarov virtual aləmdə uşaq hüquq və azadlıqları ilə bağlı keçirilən tədbirin vacibliyini vurğulayıb və bu kimi tədbirlərin mütəmadi keçirilməsi üçün mərkəzdə hər bir şəraitin olduğunu bildirib.
Sonda həm Bakıda, həm də regionlarda yerləşən Təlim-Tədris Mərkəzində iştirak edən uşaqları maraqlandıran suallar cavablandırılaraq müvafiq tövsiyələr verilib.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
